Dalawang magkahiwalay na rally ang nakatakdang isagawa sa Metro Manila ngayong Biyernes, na parehong naglalayong ipanawagan ang impeachment ni Pangalawang Pangulo Sara Duterte. Sa umaga, pangungunahan ito ng mga progresibong grupo at iba't ibang partido politikal. 

Samantala, isang rally naman sa hapon ang inaasahang susuportahan ng mga lider relihiyoso at ilang retiradong opisyal ng militar. Bagama’t pareho ang layunin ng dalawang protesta, may pagkakaiba sa kanilang mensahe at mga pamamaraan ng pagpapahayag.

Sinabi ni dating Senador Antonio Trillanes IV nitong Sabado na ang ikalawang rally ay lalahukan ng mga “pro-Duterte retired generals.”

“Just to be clear, our multisectoral rally is on Jan 31 9AM at the PEOPLE POWER MONUMENT. This is solely for the IMPEACHMENT OF SARA!” wika ni Trillanes sa kanyang social media accounts.

“This is different from the rally at EDSA Shrine in the afternoon of Jan. 31 that was organized by civil society [groups] but got mixed up with DDS groups and pro-Duterte retired generals,” dagdag niya. 

Samantala, nagbahagi ng Brig. Gen. Eliseo Rio Jr., ng kanyang opinyon ukol sa pahayag ni Trillanes. Si Rio ang dating acting secretary ng Department of Information and Communications Technology (DICT) sa ilalim ng administrasyon ni dating Pangulong Rodrigo Duterte.

Ani Rio, nagbitiw siya sa DICT matapos niyang matuklasan ang umano’y mga iregularidad sa ahensya.

“About Sonny Trillanes, we were together in the military. That may be why he specifically said retired pro-Duterte generals. I am one of them. In fact, there’s a lot of us [in the rally]. But we are really for good governance,” ani Rio.

“I mean, everybody has the right [to hold a rally]. But only one person criticized our rally and seemingly defamed us by saying that we were infiltrated by DDS and generals who are pro-Duterte. Why did he have to say that?” tanong niya. 

“Our question to them: You are rallying for the impeachment, only for the impeachment of Sara. We are rallying for the impeachment of Sara and we are also criticizing Marcos,” dagdag niya. “Why don’t they also criticize Marcos when in fact, it is him who is preventing the impeachment?

“The impeachment process will not progress without (Marcos’) approval. So you can already see the slight bias there: that they are against Duterte but not Marcos,” ani Rio. 

Si Bise Presidente Sara Duterte ay naharap sa ilang kontrobersiya sa kanyang termino. Isa sa mga pinakakilalang isyu ay ang alegasyon ng korapsyon at maling paggamit ng pondo habang siya ay nagsilbing Kalihim ng Edukasyon. Sa isang press briefing noong Oktubre 2024, tinanggihan ni Duterte ang mga paratang at sinabi na normal lamang sa gobyerno ang maglabas ng milyun-milyong piso araw-araw para sa mga proyekto

Sa halip na sagutin ang mga alegasyon, ginamit niya ang pagkakataon upang batikusin si Pangulong Ferdinand Marcos Jr., na kanyang kaalyado noong eleksyon 2022

Sa kabila ng mga kontrobersiyang ito, nananatiling matatag si Duterte sa kanyang posisyon at patuloy na ipinapakita ang kanyang istilo ng pamumuno na kahalintulad ng kanyang ama, si dating Pangulong Rodrigo Duterte

(Larawan mula sa Inquirer.net)