AGOSTO 25, 2025 — Suspendido ang pasok sa lahat ng antas sa pampubliko at pribadong paaralan, pati na rin ang trabaho sa mga tanggapan ng gobyerno sa ilang bahagi ng bansa sa Martes, Agosto 26, ayon sa Department of the Interior and Local Government (DILG).

Sa isang pahayag sa Facebook, kinumpirma ni Interior Secretary Jonvic Remulla ang kanselasyon ng klase at trabaho bunsod ng masamang lagay ng panahon na dulot ng papalapit na low pressure area (LPA). 

Narito ang kumpletong listahan ng mga lugar na apektado ng suspensyon:

Metro Manila

Aurora

Quezon

Rizal

Laguna

Camarines Norte

Camarines Sur

Albay

Sorsogon

Catanduanes

Masbate

Northern Samar

Eastern Samar

Leyte

Southern Leyte

Bulacan

Nueva Ecija

Pampanga

Batangas

Cavite

Batay sa ulat ng PAGASA, inaasahang magdadala ng malalakas na pag-ulan ang LPA sa silangang bahagi ng Visayas at Southern Luzon sa Lunes at Martes. Posibleng tumawid ito sa Luzon sa Miyerkules, kaya’t pinayuhan ang publiko na maging alerto sa posibleng pagbaha at landslide.

Bagama’t hindi pa ito ganap na bagyo, binigyang-diin ng weather bureau na ang LPA ay may potensyal na magdulot ng malawakang epekto, lalo na sa mga lugar na mababa at madaling bahain.

Pinapayuhan ang mga residente sa mga apektadong lugar na manatiling nakaantabay sa mga abiso ng lokal na pamahalaan at ng PAGASA. Inaasahan ding maglalabas ng karagdagang update ang ahensya sa mga susunod na oras.

(Larawan: Philippine News Agency)