MANILA — Kumpirmado na ang pakikilahok ng Partido Demokratiko Pilipino–Lakas ng Bayan (PDP-Laban), ang partidong itinatag ni dating Pangulong Rodrigo Duterte, sa tatlong araw na rally na pangungunahan ng Iglesia ni Cristo (INC) mula Nobyembre 16 hanggang 18.

Sa isang pahayag nitong Biyernes, sinabi ni PDP Vice President for International Affairs Raul Lambino, "A bulk of our members and supporters will gather at the People Power Monument along EDSA, while some of our members who are part of the INC will be at the Luneta Park."

Dagdag pa niya, "The mass action in Luneta will demand accountability, justice, and integrity in public service."

Nilinaw ng INC na bukas ang rally sa mga hindi miyembro ng kanilang simbahan. Ayon kay INC spokesperson Brother Edwil Zabala, "Even non-members of the Iglesia Ni Cristo are welcome to join the INC rally." 

Binigyang-diin pa niya, "This November 16–18 rally is not to interfere in politics but to express our sentiment and lend the voice of the Iglesia Ni Cristo to the calls of many of our countrymen condemning the enormous evil involving many government officials."

Ang rally ay gaganapin sa Quirino Grandstand at sa People Power Monument, at inaasahang dadaluhan ng libu-libong katao. Naglabas na rin ng abiso ang lokal na pamahalaan ng Maynila ukol sa mga road closures sa paligid ng Luneta upang bigyang-daan ang aktibidad.

Larawan mula Eagle News