HUNYO 6, 2025 — Inilunsad ng digital bank na Maya at global payments giant na Visa ang bagong feature na nagpapahintulot sa mga Pilipino abroad na mag-transfer ng pera mula sa foreign-issued Visa cards diretso sa kanilang Maya wallets. Layunin nitong gawing mas simple ang cross-border transactions para sa mga overseas workers, expats, at travelers.

Pwede nang mag-account funding transactions (AFT) sa loob ng Maya app, kaya hindi na kailangan ng intermediaries. Maaari nang i-pull ng mga user ang pera mula sa international Visa cards at magamit agad ang pondo para sa gastos, pag-iipon, o pamumuhunan gamit ang all-in-one platform ng Maya.

Binigyang-diin ni Jeffrey Navarro, Philippines country manager ng Visa, ang layunin ng partnership: "By enabling funding transactions from foreign-issued Visa cards, we provide Maya users with the power and convenience to manage their finances effortlessly, while ensuring seamless and secure transactions. This connects them to countless possibilities through their Maya accounts."

(Sa pagpapahintulot ng funding transactions mula sa foreign-issued Visa cards, nabibigyan namin ang mga Maya user ng kapangyarihan at kaginhawaan para madaling pamahalaan ang kanilang pera, habang tinitiyak ang seamless at secure na transactions. Nag-uugnay ito sa kanila sa walang hanggang posibilidad gamit ang kanilang Maya accounts.)

Nangunguna na ang Maya sa digital payments sa Pilipinas, at inaasahan nitong lalo pang palakasin ang posisyon nito sa merkado. Kinilala na rin ng Visa ang platform bilang top player sa e-commerce at contactless payments mula 2021 hanggang 2024.

Ayon kay Khurram Malik, Maya Group’s chief commercial officer: "We’re making it easier for Filipinos and OFWs to move money from their Visa cards abroad straight into their Maya wallets."

(Ginagawa naming mas madali para sa mga Pilipino at OFW na ilipat ang pera mula sa kanilang Visa cards abroad diretso sa Maya wallets.)

Ipinapakita ng collaboration na ito ang pagsisikap ng parehong kumpanya na magbigay ng mas inclusive at seamless na financial solutions para sa mga Pilipino sa buong mundo.

(Larawan: Visa)