HUNYO 13, 2025 — Nakapasok sa Forbes’ Global 2000 ang pitong kumpanya mula sa Pilipinas, isang listahan ng pinakamalaki at pinakamakapangyarihang publicly traded firms sa buong mundo. Nangunguna ang SM Investments Corp. sa ika-811 pwesto, na may $10.56 bilyon sa kita, $1.44 bilyon sa profit, at $18.67 bilyon ang market value.

Sumunod ang BDO Unibank, Inc. sa ika-846 na puwesto, na may $6.31 bilyon sa benta at $84.33 bilyon sa assets. Kabilang din sa listahan ang Top Frontier Investment Holdings (1,116th), Metrobank (1,317th), Meralco (1,530th), Ayala Corp. (1,644th), at International Container Terminal Services, Inc. (1,702nd).

Pangunahin pa rin ang mga kompanya mula sa U.S. sa global ranking, na may 612 entries, kasunod ng China (317), Japan (180), India (70), at U.K. (68). Tatlong taon nang nangunguna ang J.P. Morgan Chase, habang kabilang sa top five ang Berkshire Hathaway, China’s ICBC, Saudi Aramco, at Amazon.

Pinakamarami ang mga bangko sa listahan, na may 328 institutions. 

Batay ang ranking sa kita, profit, assets, at market value — patunay sa tibay ng mga korporasyon sa gitna ng pagbabago sa ekonomiya.

(Larawan: Forbes)