MANILA — Muling kinilala ng USA Today ang Chickenjoy ng Jollibee bilang pinakamahusay na fast-food fried chicken sa Amerika, ayon sa 2025 10Best Readers’ Choice Awards. Ito na ang ikalawang sunod na taon na nakuha ng sikat na Filipino fried chicken ang top spot, tinalo ang mga kilalang lokal at internasyonal na brand gaya ng KFC, Popeyes, at Chick-fil-A.

“We are truly honored and grateful that Jollibee’s Chickenjoy was voted as the best among the best tasting fried chicken by USA Today readers,” pahayag ni Ernesto Tanmantiong, Jollibee Group Global President at CEO. Dagdag pa niya, “We’ve always believed that Chickenjoy’s delicious taste appeals to everyone across borders and this recognition in the USA is a joyful testament to that.”

Ang Chickenjoy ay kilala sa kanyang crispy golden skin, juicy meat, at bold yet balanced seasoning. Karaniwang sinasangkot ito sa gravy at sinasamahan ng mga side dish, kaya’t naging comfort food hindi lamang sa mga Pilipino kundi pati na rin sa mga Amerikano.

“This back-to-back win represents the overall joyful experience and superior taste that Chickenjoy delivers with every bite,” ani Tanmantiong. “It is also a tribute to our hardworking teams—especially those in our stores—who bring this joy to life each day through great food and heartfelt service”.

Ang USA Today’s 10Best Awards ay taunang inilalathala batay sa boto ng publiko at rekomendasyon ng panel ng food critics at lifestyle experts. Ayon sa USA Today, ang Chickenjoy ay “crispy-licious” at “best ordered in buckets”.

Sa kasalukuyan, may mahigit 100 Jollibee stores sa North America at higit sa 1,700 sa buong mundo. Patuloy itong lumalawak sa mga merkado sa Europa, Gitnang Silangan, Asya, at Australia.

Ang pagkilalang ito ay dagdag sa listahan ng mga internasyonal na parangal ng Chickenjoy, kabilang ang Best Fast-Food Fried Chicken ng Eater.com noong 2022, Best Chain Fried Chicken in America ng Thrillist noong 2021, at Top 3 sa FoodBeast noong 2017.