AGOSTO 7, 2025 — Sa kabila ng pagbaba ng kanilang net worth, ang pamilya Sy — na nagmamay-ari ng SM Group — ay nananatiling pinakamayaman sa bansa, ayon sa pinakabagong listahan ng Forbes Asia. Nabawasan ang yaman nila ng $1.2 bilyon, pero $11.8 bilyon pa rin ang halaga ng kanilang ari-arian.

Nasa pangalawang pwesto si Enrique Razon Jr., ang tao sa likod ng International Container Terminal Services Inc. (ICTSI) at Bloomberry Resorts, na may $11.5 bilyon. Samantala, hindi nagbago ang ranking ni Manuel Villar, na nananatiling pangatlo sa listahan, na may $11 bilyon.

Pumapang-apat si Ramon Ang ng San Miguel Corporation ($3.75 bilyon), kasunod ang magkakapatid na Consunji ($3.7 bilyon) na nagpapatakbo ng DMCI Holdings.

Pero ang pinakamalaking pag-angat ay naitala sa mag-asawang Dennis Anthony at Maria Grace Uy ng Converge ICT Solutions na sumipa ng 74% ang yaman sa $1.6 bilyon.

Narito ang top 10 na listahan ng pinakamayaman  sa Pilipinas:

1. Sy siblings – $11.8 bilyon

2. Enrique Razon Jr. – $11.5 bilyon

3. Manuel Villar – $11 bilyon

4. Ramon Ang – $3.75 bilyon

5. Isidro Consunji & siblings – $3.7 bilyon

6. Que Azcona family – $3.6 bilyon

7. Jaime Zobel de Ayala – $3.4 bilyon

8. Lucio Tan – $3.2 bilyon

9. Lucio & Susan Co – $3 bilyon

10. Tony Tan Caktiong – $2.9 bilyon

(Larawan: Forbes)