Mga ka-Marites, nakakakilig at nakakatuwa ang chika! Habang tuloy-tuloy ang career breakthrough ni Seth Fedelin matapos ang kanyang Breakthrough Performance Award sa 50th Metro Manila Film Festival para sa pelikulang “My Future You,” isang bagay ang malinaw — ayaw niyang maghiwalay ng landas kay Francine Diaz!

Sa press conference ng “Star Magic Spotlight” sa Quezon City, naging bukas si Seth sa kanyang nararamdaman tungkol sa kanilang loveteam. Aniya, “Gusto kong kasama si Francine. Hangga’t maaari, kapag umakyat ako sa entablado, gusto ko siya ang nand’un.” Naaalala mo ba, mga Mars, noong sinabi niyang gusto niyang magkasama sila sa bawat tagumpay? Aba, ito na nga! Seryoso si Seth sa kanilang partnership!

Pero bakit nga ba ganito ka-strong ang bonding nila? Flashback muna tayo: bago ang “My Future You,” maraming proyekto ang muntik na nilang gawin, pero hindi natuloy. Kaya nang dumating ang kanilang MMFF entry, ibinuhos nila ang lahat. Sabi pa ni Seth, “Isinapuso namin ang buong pelikula dahil dito kami makikilala ng tao.” Kung baga, nagkaroon sila ng “ride or die” moment bilang tandem.

Napakasuportado raw ni Francine kay Seth, ayon sa aktor mismo. Aabot daw sa 100% boost ang binibigay ng kanyang partner. Grabe naman talaga si Francine,  mukhang hindi lang partner on-screen, kundi best cheerleader din sa likod ng camera!

Pero bago kayo ma-overwhelm sa kilig, mga ka-Marites, linawin natin. Bukas pa rin daw ang dalawa sa mga solo projects. Sabi ni Seth, “At the end of the day, si Francine ay pumasok bilang Francine, at ako bilang Seth.” Pero hindi ibig sabihin nito na bibitaw na sila bilang team. Ang peg? “Focus muna tayo sa isa’t isa, pero let’s explore din!” Char diba!

Future Plans ni Seth

Bukod sa kanilang tambalan, excited si Seth na subukan ang mga “bad boy” roles. Ani niya, palagi na lang daw mabait ang mga ginagampanan niya. “Gusto kong malaman kung anong itsura ko kapag medyo may angas ang karakter,” sabi niya. Well, bagay kaya kay Seth ang “maginoo pero medyo bastos” vibe? Abangan natin ‘yan!

Off-screen naman, super shy raw si Seth. Pero kapag nawawalan siya ng confidence, nilalabas daw niya ang kanyang angas persona para mag-boost ng self-esteem. Ang motto niya? “Minsan, sa pag-aartista, kailangan mong haluan ng personal. Hindi ko tinatanggal ang pagiging ako.”

Habang busy ang dalawa pansamantala sa kanilang kanya kanyang career, magkakasama ulit sila sa upcoming drama na “Nobody” kasama sila RK Bagatsing, JC de Vera, Jessy Mendiola at Gerald Anderson.

Kahit patuloy na umaarangkada ang career ni Seth, hindi siya bumibitaw sa loveteam nila ni Francine. Sa bawat pag-akyat sa entablado, gusto niyang kasama si Francine and honestly, sino ba naman ang hindi matutunaw sa ganitong loyalty? Kaya sa mga die-hard fans ng SethDrea (Seth-Francine), relax lang kayo. Mukhang matatag pa ang tambalan nila!

Larawan mula sa ABS-CBN