Mga Marites, ito na nga!  Pagkatapos ng matinding pambubugbog na ginawa ni Jam Ignacio sa kanyang fiancée na si Jellie Aw, heto’t todo hingi na ng sorry ang lalaki! Sa exclusive interview ng 24 Oras, tila isang maamong tupa si Jam habang sinasabi ang kanyang panghihinayang at pagmamahal kay Jellie.

"Hon, mahal na mahal kita!" yan ang linya ni Jam habang paulit-ulit siyang humihingi ng tawad, hindi lang kay Jellie kundi pati na rin sa pamilya at mga kaibigan nito. Sinabi pa niya na hindi na raw ito mauulit at gusto niyang ayusin ang lahat privately. Pero teka, mga Marites, hindi ba’t ganito rin ang gaslighting technique ng ibang mga lalaki kapag napapahamak na?

Ano nga ba ang dahilan ng pananakit? Ayon kay Jam, nagsimula raw ang lahat sa isang hindi pagkakaunawaan at pagod kaya siya “napuno” at nauwi sa pananakit. Aba, parang gasgas na ang excuse na ‘yan, di ba? Hindi pa ba tayo nadadala sa mga taong ginagamit ang emosyonal na pagod bilang dahilan sa kanilang pananakit?

Gusto pa rin ng kasal?! Kung inaakala niyo na tapos na ang drama, wait lang mga Marites, may pasabog pa! Sinabi ni Jam na gusto pa rin niyang matuloy ang kasal nila ni Jellie!  “Sana ayusin natin ‘to, hon. Nagmamakaawa ako sa’yo.” Talaga ba, Jam? Hindi ba dapat ang iniisip mo ngayon eh kung paano panagutan ang pananakit mo at hindi ang pagpipilit ng kasal?

So far, walang reaksyon si Jellie sa paghingi ng tawad ni Jam. Ang huling balita ay noong Valentine’s Day mismo, nag-file siya ng formal complaint sa NBI laban sa kanyang fiancé. Meaning? May laban ito, mga Marites! Hindi lang ito simpleng breakup; mukhang seryoso si Jellie sa pagsasampa ng kaso!

Real talklang,  patawad o kulong? Kung kayo ang nasa sitwasyon ni Jellie, patatawarin niyo pa ba ang lalaking nanakit sa inyo? O mas pipiliin niyong ilaban ang hustisya? Dahil kahit anong "mahal kita" pa ang sabihin, walang pagmamahal na dapat may kasamang pananakit!

Mga Marites, tutok lang tayo sa mga susunod na kabanata ng kwentong ito. May twist kaya sa storya? Magkakabalikan ba sila? O tuluyan na bang mapapanagot si Jam? Abangan natin ang kasunod na eksena!

Larawan mula sa Manila Bulletin