Mga ka-Marites, isa na namang pasabog sa showbiz world! Ang aktor na si Baron Geisler, na kilala sa kanyang angas at matinding talento sa pag-arte, ay muling nasangkot sa isang inuman scandal! Pero teka, hindi ito eksena sa pelikula kundi totoong buhay, besh!

Ayon sa latest chika mula sa Mandaue City Police, nagwala raw si Baron habang lasing na lasing sa bahay ng kanyang mga in-laws noong Sabado, Pebrero 22. Nagkaroon daw ng mini-rampage si Baron, naghahagis ng gamit at tila may sariling action scene! Ang mga kapatid ng kanyang misis mismo ang tumawag sa mga pulis para awatin siya. Pero wag kayong mag-alala, mga Marites, walang nasaktan sa insidente!

Dahil sa paglabag sa Mandaue City Ordinance 11-2008-434 (drunkenness or severe intoxication), agad siyang dinala sa presinto. Pero kaloka, ilang oras lang siya sa kulungan at agad ding nakalaya matapos magbayad ng P500 na multa! Grabe naman, parang mas mahal pa ang isang bucket ng beer sa mga sosyal na bar kesa sa penalty niya!

Matapos ang kanyang pagkaka-detain, naglabas ng pahayag si Baron sa kanyang social media. Sabi niya, ang media raw ay pinalalaki ang isyu at nagkakalat ng maling impormasyon. Dagdag pa niya, "I’m okay and I’m seeking legal advice to address this properly." Aba, mukhang may plano siyang ipaglaban ang kanyang side, ha!

Pero ang tanong, ano nga ba talaga ang totoo? Hindi natin sure, pero ang sigurado, hindi ito ang unang beses na nasangkot siya sa ganitong drama!

Hindi lingid sa ating kaalaman na matagal nang struggle ni Baron ang sobriety. Matagal siyang nagpakalunod sa bisyo pero ilang beses na rin niyang sinubukang magbago. Sa mga nakaraang interview, inamin niyang bumabalik siya sa kanyang "faith, family, and purpose" kapag natutukso siya.

Sa katunayan, balik-trabaho na ulit siya at spotted sa isang script reading kasama sina Beauty Gonzalez at direktor na si Frasco Mortiz! Mukhang hindi naapektuhan ang kanyang career sa latest chika na ito!

Ano sa tingin niyo, mga Marites? Nagkamali na naman ba si Baron o unfair lang ang pagtrato sa kanya ng media? P500 lang ang multa, pero baka mas malaki ang damage sa kanyang reputasyon! Abangan natin ang susunod na kabanata!

Larawan mula sa Rappler