Abril 30, 2025 — Ginagamit ang vasectomy, isang minor surgical procedure, bilang paraan ng birth control para sa mga lalaki. Ang goal nito ay pigilan ang paglabas ng sperm sa katawan. Ginagawa ito sa pamamagitan ng pagputol sa vas deferens—ang mga duct na nagdadala ng sperm mula sa bawat testicle—kaya hindi na makakarating ang sperm sa urethra.

Ayon sa Mayo Clinic, isa itong “low-risk surgery,” at sabi naman ng UK’s National Health Service (NHS), “very safe” daw ito. Maaaring makaranas ng kaunting pasa at pamamaga sa bayag, o maliit na dilaw na bukol na “harmless” naman sa scrotum. May posibilidad din ng impeksyon, pero bihira ang seryosong komplikasyon. 

Bagama’t ang vasectomy ay intended na permanenteng solusyon, sinasabi ng mga eksperto na may mga pagkakataong puwede itong ma-reverse. Pero hindi ito laging tagumpay—naka-depende ito sa ilang factors gaya ng kung gaano na katagal mula nang ginawa ang procedure at kung maayos pa ang lagay ng vas deferens.

Sa mga nakaraang taon, hinihikayat ng Commission on Population and Development ang paggamit ng non-scalpel vasectomy bilang maaasahang contraceptive method para sa kalalakihan. Ayon sa mga pag-aaral, nasa 99% ang effectiveness nito sa pag-iwas sa pagbubuntis—mas mataas pa kumpara sa condoms o birth control pills.

Larawan: Kanizphoto/Canva