Mayo 16, 2025 — Opisyal nang inilunsad ni Christophe Sommereux, anak nina celebrity couple Gladys Reyes at Christopher Roxas, ang kanyang self-titled debut extended play (EP) sa ilalim ng StarPop. Ang anim na track na EP ay available na sa mga major streaming platforms, habang ang mga lyric video naman ay naka-upload sa official YouTube page ng Star Music.

“I’m incredibly grateful and honored to be a part of this family and I’m really excited to share my music to the world (Sobrang nagpapasalamat at proud ako na maging bahagi ng pamilyang ito, at excited na excited akong ibahagi ang musika ko sa mundo),” ani Sommereux sa isang social media post. “I know this won’t be easy but I’m ready to traverse this diverse, challenging, and also unpredictable landscape of the OPM industry dito sa Pilipinas (Alam kong hindi ito magiging madali pero handa akong harapin ang iba't ibang hamon at unpredictability ng OPM industry dito sa Pilipinas),” dagdag pa ng artist na nagsimulang sumulat ng kanta nung siya’y 15 taong gulang pa lang.

Ang alternative rock EP ay naglalaman ng mga orihinal na kanta tulad ng “Take Care,” “Sira,” at “Abot Bituin,” kasama ang “Sine,” “Basta Ika’y Nariyan,” at “Aren’t You Ready.” Ang mini album ay pinangunahan ng produksyon nina Roque “Rox” Santos, head ng StarPop label, at Jonathan Manalo, head ng creatives, content, at operations ng ABS-CBN Music.

Sa isang pagpapakita ng pagmamalaki bilang mga magulang, parehong nagpakita sina Reyes at Roxas ng buong suporta sa musikang debut ng kanilang panganay na anak sa social media. May tatlo pa silang ibang mga anak: sina Aquisha, Gavin Cale, at Grant.

Larawan: Christophe Sommereux/Facebook