AGOSTO 7, 2025 — Sumobra na sa kapasidad ang emergency room ng Ospital ng Maynila nitong Miyerkules dahil sa dagsa ng mga pasyente. Naglabas ng abiso ang ospital at humingi ng pang-unawa sa publiko habang hinikayat ang mga tao na pumunta muna sa ibang pasilidad.

“Magpapatuloy ang lahat ng serbisyo ng ospital ngunit humihingi kami ng paumanhin sa kawalan ng lugar para sa mga darating pang pasyente o mailipat sa ibang LGU hospital,” ayon sa pahayag ng Ospital ng Maynila. 

Samantala, kamakailan ay nagdeklara rin ng overcapacity ang PGH at nagsabing bukas pa rin ang kanilang emergency room para lamang sa mga kritikal na kaso, ngunit pinaprioridad na ang may malulubhang kondisyon.

Inirekomenda ng Department of Health (DOH) ang mga sumusunod na ospital sa Metro Manila na handang tumanggap ng pasyente:

Caloocan

Dr. Jose N. Rodriguez Memorial Hospital

Las Piñas:

Las Piñas General Hospital

Malabon:

San Lorenzo Ruiz General Hospital

Mandaluyong:

National Center for Mental Health

Manila:

Jose Fabella Memorial Hospital

Jose R. Reyes Memorial Medical Center

San Lazaro Hospital

Tondo Medical Center

Marikina: 

Amang Rodriguez Memorial Medical Center

Muntinlupa: 

Research Institute for Tropical Medicine

Pasig: 

Rizal Medical Center

Quezon City:

East Avenue Medical Center

National Children's Hospital

Philippine Orthopedic Center

Quirino Memorial Medical Center

Valenzuela:

Valenzuela Medical Center

Kasama rin sa listahan ang mga GOCC hospitals:

Lung Center of the Philippines

National Kidney and Transplant Institute

Philippine Heart Center

Philippine Children's Medical Center

Pinapaalalahanan ng DOH ang publiko na mag-double-check sa availability bago pumunta sa mga nabanggit na ospital. Dagdag pa nila, mahalaga ang kooperasyon ng lahat para matugunan ang agarang pangangailangan ng mga pasyente.

(Larawan: Philippine News Agency)