MANILA, Philippines — Naglabas na ng hold departure order (HDO) ang tatlong division ng Sandiganbayan ngayong Biyernes, Nobyembre 21, laban kay dating Ako Bicol Party-list Rep. Zaldy Co at 15 iba pang opisyal mula sa Department of Public Works and Highways (DPWH) at pribadong sektor. Ito ay kaugnay ng kasong graft at malversation na may kinalaman sa umano’y maanomalyang P289-milyong river dike project sa Naujan, Oriental Mindoro.

Ang HDO ay inilabas ng Fifth, Sixth at Seventh Division ng Sandiganbayan, kasunod ng naunang paglabas ng warrants of arrest laban sa mga akusado. Kabilang sa iniuutos ng korte ang pagpigil sa mga nasasakdal na makalabas ng bansa habang nagpapatuloy ang paglilitis.

Kasama sa ipinag-utos na hulihin at pigilan ang pag-alis sa bansa ang mga sumusunod mula sa DPWH Region IV-B (Mimaropa):

• Gerald A. Pacanan, Regional Director
  
  

• Gene Ryan Altea, Assistant Regional Director (kasalukuyang Bureau of Maintenance Director)
  
  

• Ruben Santos Jr., Assistant Regional Director
  
  

• Dominic Gregorio Serrano, Chief, Construction Division
  
  

• Juliet Cabungan Calvo, Chief, Maintenance Division
  
  

• Dennis Pelo Abagon, dating OIC-Chief, Quality Assurance and Hydrology Division
  
  

• Montrexis Tordecilla Tamayo, OIC-Chief, Planning and Design Division
  
  

• Lerma Dotado Cayco, Accountant IV, Bids and Awards Committee
  
  

• Felisardo Sevare Casuno, Project Engineer III
  
  

• Timojen Adiong Sacar, Materials Engineer
  
  

Samantala, kabilang naman sa mga indibidwal mula sa Sunwest Construction and Development Corp. ang mga sumusunod:

• Aderma Angelie D. Alcazar, President at Chairman of the Board
  
  

• Cesar X. Buenaventura, Treasurer
  
  

• Consuelo Dayto Aldon, Board Member
  
  

• Engr. Noel Yap Cao, Board Member
  
  

• Anthony L. Ngo, Board Member
  
  

Ayon sa initial investigation, pinaniniwalaang nagkaroon ng irregularidad sa pagpili at pag-apruba ng kontrata para sa river dike project, kabilang na ang umano’y overpriced na halaga at maanomalyang pagproseso ng bidding at pondo.

Kasalukuyang nakikipag-ugnayan ang mga kinauukulang ahensya para sa pagpapatupad ng HDO at pagpapaigting ng pag-aresto sa mga akusado. Nanatiling bukas ang Sandiganbayan sa pagtanggap ng mga motion for reconsideration, subalit malinaw na hindi maaaring makalabas ng bansa ang sinumang kabilang sa kaso habang ito ay dinidinig. (Larawan: House of Representatives / Facebook)