NOBYEMBRE 27, 2025 — Isang makasaysayang paglalakbay ang sisimulan ng relic ng puso ni San Carlo Acutis sa Pilipinas ngayong Nobyembre. Ang pericardium relic ng kauna-unahang millennial na santo ng Simbahang Katolika ay ililibot sa Luzon sa loob ng 18 araw, at dadalhin sa mahigit 30 simbahan sa 16 na diyosesis.

Ang Catholic Bishops’ Conference of the Philippines (CBCP) ang nagkumpirma ng pagdating ng relic mula Assisi, Italya, na nakatakdang dumating sa bansa ngayong Huwebes, Nobyembre 27.

Ayon kay Msgr. Anthony Figueiredo, tagapangasiwa ng mga international relic pilgrimages ng Diocese of Assisi, layunin ng pagbisita na ipakita ang halimbawa ng pananampalataya ni Acutis sa panahon ng digital na teknolohiya.

“Young people, you are all invited to come and venerate the relic of St. Carlo Acutis,” mensahe ni Figueiredo mula sa puntod ng santo sa Assisi. 

(Mga kabataan, inaanyayahan kayong lahat na dumalo at magbigay-pugay sa relikya ni San Carlo Acutis.)

Dagdag pa niya, binigyang-diin ang isa sa mga pahayag ng santo: “To love what awaits us tomorrow is to give today the best of our fruit.” 

(Ang mahalin ang naghihintay bukas ay ang pagbibigay ngayon ng pinakamainam na bunga.)

Si Carlo Acutis, isang kabataang Italyano na namatay noong 2006 sa edad na 15, ay kinilala dahil sa paggamit ng internet upang palaganapin ang debosyon sa Eukaristiya at pagbabahagi ng mga tinatawag na milagro ng Eukaristiya. 

Noong Setyembre, siya ay opisyal na kinanonisa, at naging unang santo mula sa henerasyong millennial.

Para kay Bishop Dennis Villarojo ng Malolos, na nagsilbing episcopal promoter ng Friends of St. Carlo Acutis–Philippines (FSCAPh), mahalaga ang pagbisita upang ipakita ang mensahe ng pananampalatayang nakaugat sa Eukaristiya, paglilingkod, at pagiging simple.

“It is a great blessing for our diocese to be part of the visit of St. Acutis’ relic,” pahayag ni Villarojo. 

(Isang malaking biyaya para sa aming diyosesis na maging bahagi ng pagbisita ng relic ni San Acutis.)

Ang relic, may sukat na anim na sentimetro ang haba at dalawang sentimetro ang taas, ay nakapaloob sa reliquary na inaalagaan ng Diocese of Assisi. Inihanda ng bawat diyosesis ang mga panuntunan para sa maayos na pagdalaw, kabilang ang misa, mga panalangin, at oras para sa tahimik na debosyon.

Heto ang kumpletong schedule para sa pagdalaw sa relic:

Biyernes, Nobyembre 28

• 8 a.m. – Minor Basilica of the Immaculate Conception (Malolos City)
• 3 p.m. – San Roque Cathedral (Caloocan City)

Sabado, Nobyembre 29

• 8 a.m. – Minor Basilica of San Sebastian (Quiapo, Manila)
• 2 p.m. – Kristong Hari Parish – Shrine of the Youth (Commonwealth Avenue, Quezon City)

Linggo, Nobyembre 30

• 8 a.m. – San Sebastian Cathedral (Tarlac City)
• 2 p.m. – Our Mother of Perpetual Help Parish (Moncada, Tarlac)

Lunes, Disyembre 1

• 8 a.m. – Cathedral of St. Paul the First Hermit (San Pablo City, Laguna)
• 2 p.m. – Diocesan Shrine of N.S. de Candelaria (Silang, Cavite)

Martes, Disyembre 2

• 8 a.m. – Sta. Clara de Montefalco Parish (Pasig City)
• 2 p.m. – National Shrine of Our Lady of Fatima (Valenzuela City)

Miyerkules, Disyembre 3

• 2 p.m. – Diocesan Shrine and Parish of St. Nicolas de Tolentino (San Nicolas, Ilocos Norte)

Huwebes, Disyembre 4

• 9 a.m. – Saint William’s Cathedral (Laoag City)

Biyernes, Disyembre 5

• 8:30 a.m. – Antipolo Cathedral (Antipolo City)
• 2:30 p.m. – Catholic Social Media Summit (Pius XII Catholic Center, Manila)
• 5 p.m. – Our Lady of the Abandoned Parish (Mandaluyong City)

Sabado, Disyembre 6

• 8 a.m. – St. Peregrine Laziosi Parish and Diocesan Shrine (Muntinlupa City)
• 2 p.m. – National Shrine of Our Mother of Perpetual Help (Parañaque City)

Linggo, Disyembre 7

• A.M. – National Shrine of Our Mother of Perpetual Help (Parañaque City)
• 2 p.m. – Immaculate Heart of Mary Parish (Diliman, Quezon City)
• 4 p.m. – Intramuros Grand Marian Procession (roadside altar)

Lunes, Disyembre 8

• 8 a.m. – National Shrine and Parish of St. John Paul II (Hermosa, Bataan)
• 2 p.m. – Diocesan Shrine and Parish of St. Therese (Subic, Zambales)

Martes, Disyembre 9

• 8 a.m. – Saint Joseph the Patriarch Cathedral Parish (Alaminos, Pangasinan)
• 2 p.m. – Metropolitan Cathedral of St. John the Evangelist (Dagupan City)

Miyerkules, Disyembre 10

• 8 a.m. – Dr. Yanga’s Colleges, Inc. (Bocaue, Bulacan)
• 2 p.m. – Mary Immaculate Parish (Levitown, Better Living Subdivision, Parañaque City)

Huwebes, Disyembre 11

• 9 a.m. – Parish and National Shrine of Saint Padre Pio (Sto. Tomas, Batangas)

Biyernes, Disyembre 12

• 8 a.m. – Immaculate Conception Parish and St. Carlo Acutis Proposed Parish (Catalina Lake Residences, Bauan, Batangas)
• 4 p.m. – Santo Domingo Church (Quezon City)

Sabado, Disyembre 13

• 8 a.m. – Saint Joseph the Worker Cathedral (San Jose, Nueva Ecija)
• 2 p.m. – St. Nicholas of Tolentine Parish Cathedral (Cabanatuan City)

Linggo, Disyembre 14

• 10 a.m. – Santuario de San Antonio Parish (McKinley Road, Makati City)
• 2 p.m. – San Felipe Neri Parish (Mandaluyong City)

Lunes, Disyembre 15

• Pag-alis ng relikya pabalik sa Assisi

Ang pagbisita ng relic ni San Carlo Acutis ay inaasahang magbibigay-inspirasyon sa libu-libong Pilipino, lalo na sa kabataan, upang muling pagtibayin ang kanilang pananampalataya. Sa bawat simbahan na dadaanan, nakatakdang maging pagkakataon ito para sa tahimik na panalangin, pagninilay, at pagbabalik-loob.

(Larawan: CBCPNews)