HULYO 9, 2025 — Pinatay ng mga rebeldeng Houthi ng Yemen ang tatlong crew members at nasugatan naman ang dalawa pa nang kanilang atakihin ang isang cargo ship sa Red Sea. Nagmarka ito ng mapanganib na pagbabalik ng mga pag-atake sa isa sa pinaka-abalang ruta ng kalakalan sa mundo. Tinarget ang Greek-owned, Liberian-flagged na barkong Eternity C ilang araw lamang matapos ang paglubog ng Magic Seas ng grupong suportado ng Iran.

Ipinakita ng pinakabagong atake na ito, na kinumpirma ng EU naval force, ang muling pagiging agresibo ng Houthi kahit may ilang buwan nang tigil-putukan.

“We haven’t seen any real attacks on merchant shipping since December last year,” pahayag ni Wolf-Christian Paes ng International Institute for Strategic Studies. “And they’re back with a bang.”

(Wala tayong nakitang totoong pag-atake sa mga merchant ship mula noong Disyembre ng nakaraang taon. At ngayon, bumalik na sila.)

Iniwan ng 22 miyembro ng crew ang Magic Seas, na may lulang fertilizer at steel, matapos itong tamaan ng drones, missiles, at bala. Ipinakita sa propaganda video ng Houthi ang mga armadong militante na sumalakay sa barko bago pasabugin ito.

Kinondena ng EU ang atake bilang isang “serious escalation” (malubhang pag-escalate) at nagbabala sa panganib nito sa global trade at stability ng rehiyon.

Sinisi ng U.S. State Department ang Iran sa pagbibigay-kakayahan sa Houthi. 

“These attacks demonstrate the ongoing threat that Iran-backed Houthi rebels pose to freedom of navigation,” ayon kay spokesperson Tammy Bruce.

(Nagpapakita ang mga pag-atakeng ito ng patuloy na banta ng Iran-backed Houthi rebels sa kalayaan ng paglalayag.)

Kasabay ng mga pag-atake ang pagtaas ng tensyon sa Middle East, kasama ang stalled na Gaza ceasefire talks at alitan ng U.S. at Iran. Iminungkahi ng mga analyst na maaaring may kinalaman ito sa kamakailang pagbisita ni Israeli Prime Minister Benjamin Netanyahu sa Washington.

Mula pa noong late 2023, nagdudulot na ng kaguluhan ang mga atake ng Houthi sa Red Sea trade. Sila ang nagpalubong ng maraming barko at pumatay ng mga mandaragat. Bagamat unti-unting bumalik ang trapiko matapos ang U.S.-brokered pause, nagbabanta ang karahasan nitong linggo ng panibagong alon ng banta sa dagat — at may global na epekto.

Nanawagan ang UN para agad na itigil ang mga atake, at nagbabala sa posibleng paglala ng humanitarian crisis sa Yemen. Sa ngayon, stranded pa rin ang mga crew sa mga damaged vessels, at nakaabang naman ang buong mundo kung may further retaliations pang magaganap. 

(Larawan: Yahoo)