Seryembre 25, 2025 — Muling pinatunayan ng Pilipino ang husay sa musika matapos hirangin si Jessica Sanchez bilang kampeon ng America’s Got Talent (AGT) Season 20, ang sikat na talent competition sa Estados Unidos.

Matapos ang ilang buwang laban at serye ng matitinding performances, si Sanchez ang nanguna sa grand finals ng programa, kung saan tinalo niya ang iba pang paborito at mahuhusay na contestants mula sa iba’t ibang bahagi ng Amerika.

Si Sanchez, na unang nakilala sa buong mundo bilang runner-up ng American Idol Season 11 noong 2012, ay bumida sa AGT stage sa pamamagitan ng kanyang makapangyarihang tinig at emosyonal na rendisyon ng mga classic at contemporary hits. Ang kanyang huling pagtatanghal ay nakatanggap ng standing ovation mula sa lahat ng hurado at malakas na suporta mula sa live audience at manonood.

Ayon sa mga hurado, kakaiba ang boses at presence ni Sanchez sa entablado. Pinuri siya ni Simon Cowell at sinabing karapat-dapat ang pagkapanalo ng singer dahil “hindi lamang siya mang-aawit kundi isang world-class performer.”

Bilang kampeon ng AGT Season 20, makatatanggap si Sanchez ng $1 milyon na premyo at pagkakataong magkaroon ng sariling headlining show sa Las Vegas — isang milestone na lalong magbubukas ng mas malaking oportunidad sa kanyang karera sa musika.

Nagpaabot ng pasasalamat si Sanchez sa kanyang mga tagasuporta, partikular na sa Filipino community sa Amerika at sa Pilipinas, na aniya’y naging inspirasyon niya sa bawat pagtatanghal.

Sa pagkakapanalong ito, muling napabilang ang pangalan ng Pilipinas sa talaan ng mga bansang nagtatampok ng world-class talents sa internasyonal na entablado.