April 11, 2025 — Nagpakitang-gilas na naman si Giannis Antetokounmpo matapos umiskor ng 28 points at kumuha ng 11 rebounds para tulungan ang Milwaukee Bucks sa panalo kontra New Orleans Pelicans, 136-111, nitong Huwebes ng gabi sa Fiserv Forum. Ito ang kanilang ikaanim na sunod na panalo.

Malapit na sana si Antetokounmpo sa ikaapat na sunod niyang triple-double pero kinulang siya ng limang assists. Kahit ganon, ipinakita ng Bucks (46-34) ang kanilang lalim at galing, gamit ang 14 na players laban sa Pelicans na walo lang ang nakapaglalaro.

Nag-ambag si Kevin Porter Jr. ng 20 points habang sina Kyle Kuzma at Gary Trent Jr. ay may tig-17 points. Si Bobby Portis naman ay may 14 at si Ryan Rollins ay may 12 points. Unti-unti silang lumayo sa score sa second half.

Sa panig ng Pelicans (21-59), si Lester Quinones ang nanguna na may career-high 21 points. Sina Keion Brooks Jr. at Jamal Cain ay gumawa rin ng personal bests na tig-20 points. May 16 points si Antonio Reeves, habang sina Karlo Matkovic at Jeremiah Robinson-Earl ay nag-double-double na may 15 points at 10 rebounds bawat isa. Si Elfrid Payton naman ang nag-set ng plays sa 15 assists niya.

Pagsapit ng third quarter, naibaba ng Pelicans ang lamang sa apat matapos nilang maghabol mula sa eight-point deficit sa halftime. Pero mabilis itong tinapatan ni Antetokounmpo na nagsimula ng 24-14 run para tapusin ang quarter sa 100-85.

Hindi na bumitaw ang Bucks pagdating ng fourth quarter. Bumukas sila ng 8-0 run na tuluyang nagpatibay ng kanilang kalamangan.

Maganda ang simula ng Pelicans, pinangunahan nina Robinson-Earl at Matkovic para magbukas ng 19-11 lead sa unang quarter at tapusin ito sa 26-21. Umabot pa sa walo ang kanilang kalamangan sa second quarter bago bumulusok ang Bucks sa pamumuno nina Antetokounmpo at Kuzma para tapusin ang half sa 62-54.

Dahil sa panalong ito, patuloy ang momentum ng Milwaukee papuntang playoffs, habang ang Pelicans ay lumulubha sa kanilang five-game losing streak.