Lapu-lapu, Cebu– Isang delivery rider ang nasawi matapos makabanggaan ang isang pick-up truck sa isang bahagi ng highway sa Barangay Maribago Lapu-lapu City  Cebu, matapos umano itong mag-overtake sa sinusundan niyang motorsiklo.

Batay sa paunang imbestigasyon ng pulisya, nag-overtake ang biktima sa kasabay na motorsiklo, dahilan para mapunta siya sa kabilang linya ng kalsada. Sa puntong iyon ay bumangga siya sa kasalubong na pick-up.

Dahil sa tindi ng impact, agad na binawian ng buhay ang rider sa mismong lugar ng insidente.

Dinala naman sa himpilan ng pulisya ang driver ng pick-up at pansamantalang ikinulong. Gayunpaman, nakalabas na ito matapos makipag-areglo ang pamilya ng biktima. At hindi na nagbigay iba pang pahayag

Patuloy na iniimbestigahan ng mga awtoridad ang kaso. Bagama’t nakipag-areglo na ang pamilya ng biktima, tiniyak ng pulisya na susuriin pa rin ang lahat ng ebidensya kaugnay ng insidente. 

larawam/google