May 1 - Umangat ang Houston Rockets sa Game 5 matapos durugin ang Golden State Warriors, 131-116, para manatiling buhay sa kanilang first-round Western Conference playoff series.

Pinangunahan ni Fred VanVleet ang opensa ng Rockets na may 26 puntos, habang nagpasabog ng all-around performance si Amen Thompson na nagtala ng 25 puntos, 5 steals, at 3 blocks. Sa unang quarter pa lang ay rumatsada na ang Houston, nagtala ng 15-0 run at umabot ng 27 ang kalamangan sa halftime.

Hindi na nakabangon ang Warriors, na pinangunahan ni Moses Moody mula sa bench na may 25 puntos. Maagang pinahinga ni Coach Steve Kerr sina Stephen Curry at Jimmy Butler para maghanda sa Game 6.

Nagkaroon din ng tensyon sa dulo ng laban nang ma-eject si Pat Spencer ng Warriors dahil sa headbutt kay Alperen Şengün.

Ang Game 6 ay gaganapin sa San Francisco sa Biyernes, Mayo 2.