MANILA — Sisimulan na bukas, Setyembre 20, ang UAAP Season 88 basketball tournament, na magtatampok ng mga laban tuwing Miyerkules, Sabado, at Linggo. Gaganapin ang mga laro sa tatlong pangunahing venue: UST Quadricentennial Pavilion, Smart Araneta Coliseum, at Mall of Asia Arena.

Itong taon ay hinost ng University of Santo Tomas (UST) sa ilalim ng temang “Strength in Motion, Hope in Action”, na sumasalamin sa diwa ng “courageous sports” at ang ugnayan ng determinasyon at pananampalataya sa pagbabago at pagharap sa hamon.

Isa sa mga pinakahihintay na sagupaan sa unang round ay ang rivalry game ng Ateneo at La Salle na nakatakda sa Oktubre 5. Samantala, muling magsasagupa ang University of the Philippines (UP) at La Salle sa isang rematch ng UAAP Finals noong nakaraang season, sa Oktubre 19 sa Big Dome.

Inaasahang magiging matindi ang kumpetisyon ngayong taon, lalo na't nagbabalik ang ilang koponang nagpakitang-gilas noong nakaraang season, at may dagdag na sigla dahil sa tema ng season na nagbibigay-diin sa pagkilos, pag-asa, at pagtitiyaga ng mga atleta at koponan.

Bukod sa basketball, nakatakda ring magsimula ang iba pang sports sa UAAP Season 88 kasabay ng first semester athletics calendar, na nakaayos din upang maisaalang-alang ang partisipasyon ng mga estudyante-atleta sa 2025 SEA Games. 

Hinihikayat ang mga mag-aaral, tagasuporta, at mga sports fan na makiisa at makisabay sa pagbukas ng liga at suportahan ang kani-kanilang koponan sa mga darating na laban.

larawan/google