Isang shocking confession ang gumulantang sa online community matapos umamin ang kilalang content creator at streamer na si Awit Gamer na natalo siya ng ₱69 milyon sa online sugal. At ngayon, nagbebenta na siya ng mga pre-loved items bilang bahagi ng kanyang pagsisimula muli.

Sa isang viral livestream, emosyonal na inilahad ni Awit Gamer ang matinding epekto ng kanyang pagkakalulong sa online gambling. Ayon sa kanya, nagbenta siya ng mga gamit gamit niya para mapunan ang kanilang mga pangangailangan. Narito ang ilang sa kanyang mga pahayag:

“Nagbenta ako ng mga gamit, nagbenta ako ng sasakyan para magkapera. Hindi ako nang-obliga ng ibang tao para hingan ng pera.”

“Thank you po sa mga bumili ng paninda ko na pre-loved, makakabili na po ako ng Sofa.” 

Sa mga nagsasabi naman na bakit hindi siya humingi ng tulong sa Kuya niyang si Whamos na isang sikat na Content Creator din, narito ang kanyang sagot:

“Hindi ako nanghingi, umutang ako at babayaran ko ‘yun.”

Netizens: Shocked pero Sympathetic

Umani ng samu’t saring reaksyon mula sa netizens ang kanyang rebelasyon. Ang ilan ay nagpahayag ng pagkabigla, ngunit mas marami ang nagpaabot ng simpatya at suporta.

“Aminado ko sugarol din ako pero may limitasyon, atleast ikaw yung awit na nagpaka totoo sa pagkakamali mo. Hindi man tayo close pero nung nilapitan mo ko para manghiram alam kong sincere ka at kailangan mo talaga ng tulong, alam ko na makakabangon ka sa pagkakadapa mo ngayon balang araw. hindi lahat ng tinulungan mo dati nung meron ka ay tutulungan ka din pag nawalan ka. Pahalagahan mo yung mga taong anjan sayo nung nasa proseso ka pa lang, yung iba kasi sumasakay na lang pag may resulta na.” — komento ng isang sikat din na Content Creator na si Norvin Dela Pena.

Mga Eksperto: Delikado ang Sugal Lalo na sa Influencers

Nagbabala ang ilang financial experts na mas madali para sa mga influencers na malulong sa sugal, lalo’t may mabilis na kita at pressure na panatilihin ang ‘lavish lifestyle’ online. Dagdag pa rito, ang visibility ng kanilang buhay ay maaaring makaapekto sa kanilang mental health, na nagtutulak sa iba na gumamit ng sugal bilang takas.

Awit Gamer, Umaasang Muling Makakabangon

Sa kabila ng matinding pagsubok, sinabi ni Awit Gamer na hindi pa tapos ang kanyang kwento. Plano niyang gamitin ang kanyang platform para magbigay babala laban sa panganib ng online sugal at hikayatin ang mga kabataang huwag magpadala sa mabilisang pera..

Ang kasikatan ay maaaring mawala sa isang iglap — pero ang tapang na harapin ang pagkakamali ay hindi basta-basta matitinag.

(Source at larawan: AwitG Official Vlogs)