Disyembre 14, 2025 – Isang matinding milestone ang naitala ni Sandro Muhlach, panganay na anak ng beteranong aktor na si Niño Muhlach, matapos niyang makapagtala ng world record sa larangan ng extreme sports!

Noong Disyembre 11, ibinahagi ni Sandro sa kanyang Instagram reel ang nakakabilib at nakakakabang karanasan nang tumalon siya mula sa Macau Tower sa Macau, China—ang pinakamataas na commercial bungee jump facility sa buong mundo ayon sa Guinness Book of World Records.

Makikita sa video si Sandro na puno ng tapang at excitement habang nakasuot ng kumpletong safety gear at pinaliligiran ng mga propesyonal na bungee jump instructors na nagsasagawa ng final checks bago ang kanyang makasaysayang pagtalon.

“Officially a world record holder!!!” proud na caption ni Sandro sa kanyang post.

Ayon sa Guinness Book of World Records, ang commercial bungee jump facility ng Macau Tower ay may taas na 232.82 meters o 763 feet and 10.14 inches, habang ang buong tore ay may kabuuang taas na 338 meters o 1,109 feet mula sa ground level hanggang sa pinakatuktok.

Bago ang pagtalon, todo-kumpiyansa si Sandro habang ipinapakilala ang sarili:

“Sandro Muhlach, strongest man in the world! Philippines!”

Habang papalapit siya sa gilid ng tore, ramdam ang lakas ng hangin at tanaw ang malawak na skyline ng Macau. Ilang segundo pa, tuluyan na siyang sumabak sa open air—tila walang bahid ng takot.

Sa gitna ng freefall, hindi napigilan ni Sandro ang kanyang excitement at pabirong tinawag ang ama:

“Niño Muhlach wala kang sinabi! Woah! Grabe! Let’s go!”

“Grabe, solid! The best!”

Matapos ang adrenaline-filled jump, kitang-kita ang saya at disbelief ni Sandro habang inilarawan ang kanyang naranasan.

“Grabe feeling ko parang nalalaglag talaga ako sa building. Grabe, solid. Sobrang sarap! The best! Team Philippines!” ani niya.

Sa sobrang saya, humirit pa siya ng dagdag:

“Tatlo pa!”

Sa kanyang caption, mas detalyado niyang ibinahagi ang tagumpay:

“Dropping in from the top of the world! I officially hold the world record for the highest commercial bungee jump at Macau Tower. That's 764 feet of pure freefall. Check that off the bucket list! ????”

Nagpasalamat din siya sa mga kababayang tumulong sa kanya sa Macau:

“Thank you po sa mga kababayan na tumulong sakin sa Skypark Macau! Shout out po sa inyo!”

Proud dad moment ni Niño Muhlach

Umani ng papuri ang post ni Sandro mula sa fans at followers, na hindi makapaniwala sa kanyang ginawa.

“Is this for real??? free fall talaga ” komento ng isang netizen.

“The Philippines and the countrymen will be so proud, idol @sandromuhlach! ” dagdag pa ng isa.

Sa Instagram Stories ni Sandro, masisilayan din ang mas light at fun side ng experience—mula sa kanyang playful poses bago tumalon hanggang sa reaksyon ng kanyang ama.

Makikita si Niño Muhlach sa ground floor na tila napaluhod sa paghanga habang tinatawag ang anak ng:

“Master!”

Bukod sa world-record jump, aktibo ring ibinabahagi ni Sandro ang kanyang travel at fitness adventures sa social media. Ilan sa mga lugar na kanyang napuntahan ay ang Statue of Liberty sa New York, Namsan Tower sa South Korea, at Hanoi Train Street sa Vietnam.

Hindi rin siya nag-iisa sa pagsabak sa Macau Tower jump—ilan sa mga kilalang personalidad na sumubok nito ay sina Jack Osbourne at Anthony Bourdain, at na-feature na rin ito sa international shows tulad ng America’s Next Top Model at Running Man ng South Korea.

Sa murang edad, patunay si Sandro Muhlach na hindi lang siya anak ng isang showbiz icon—isa rin siyang record-breaking adventurer na buong tapang na ipinagmamalaki ang Team Philippines sa world stage.

Larawan: Sandro Mulach Instagram