MANILA — Umangat nang malaki ang tiwala at performance rating ni House Speaker Martin Romualdez batay sa pinakahuling Tugon ng Masa survey ng OCTA Research para sa ikalawang kwarter ng 2025. Nakapagtala si Romualdez ng 57% trust at performance rating, na itinuturing na pinakamataas niyang marka ngayong taon.

Ayon sa mga analyst, ipinapakita ng resulta na unti-unting lumalakas ang suporta ng publiko kay Romualdez, lalo na’t aktibo siyang nakikita sa mga isyung pambansa at sa pagsusulong ng mga pangunahing panukalang batas sa Kongreso. Itinuturing din siyang isa sa mga pinakamalapit na kaalyado ng administrasyon.

Samantala, nananatiling matatag ang Vice President Sara Duterte na nakakuha ng 54% rating, patunay na solid pa rin ang suporta ng publiko sa kanya. Sa kabila ng mga isyung kinasasangkutan ng ilang opisyal ng gobyerno, nananatili siyang kabilang sa mga may pinakamataas na antas ng tiwala at kasiyahan mula sa mamamayan.

Ipinapakita ng survey na patuloy na naniniwala ang publiko sa kakayahan ng dalawang lider na gampanan ang kani-kanilang tungkulin. Gayunman, ayon sa OCTA, dapat pa ring bantayan kung paano maaapektuhan ng mga darating na isyu at desisyon ng pamahalaan ang kanilang mga marka sa mga susunod na buwan. (Larawan: Google)