Etyembre 29, 2025 – Nakalaya na ngayong Lunes, Setyembre 29, ang lalaking nakilala bilang “Fishball Warrior” matapos maging viral sa social media dahil sa kanyang malakas na panawagan na “Ibaba ang presyo ng fishball!” sa isang rally sa Maynila kamakailan.

Si Alvin, ang tinaguriang Fishball Warrior, ay isa sa libu-libong dumalo sa Trillion Peso March, isang kilos-protesta na naglalayong ipahayag ang hinaing ng mamamayan sa pagtaas ng presyo ng mga bilihin at iba pang isyung panlipunan. Dahil sa kanyang kakaibang sigaw, agad siyang naging tampok sa mga online platform at naging simbolo ng karaniwang mamamayan na nakakaranas ng kahirapan sa pang-araw-araw na gastusin.

Ayon sa kanyang mga kaibigan at kakilala, ang sigaw ni Alvin ay hindi lamang basta biro o attention-grabbing moment. Para sa kanya, ang fishball ay simbolo ng abot-kayang pagkain na nakakaapekto sa pang-araw-araw na buhay ng mga ordinaryong Pilipino. Sa pamamagitan ng kanyang panawagan, nais niyang ipakita ang kahalagahan ng pagkilos at pagpapahayag ng opinyon upang marinig ng mga namumuno ang hinaing ng masa.

Matapos ang ilang araw ng pagka-detain, nakalaya na si Alvin nitong Lunes. Ang kanyang paglabas sa kulungan ay agad nag-viral muli sa social media, kung saan maraming netizens ang nagbigay ng suporta at nagbahagi ng kanilang paghanga sa kanyang tapang. Marami ang nagsabing ang kanyang aksyon ay patunay na kahit simpleng tao lamang, may kakayahang magpahayag at magpaabot ng mensahe para sa kabutihan ng nakararami.

Sa kasalukuyan, si Alvin ay nakapiling na muli ang kanyang pamilya at patuloy na nagiging inspirasyon sa maraming Pilipino. Ang viral na sigaw na “Ibaba ang presyo ng fishball!” ay nananatiling simbolo ng panawagan para sa mas makatarungan at patas nalipunan.

Larawan: Kmjs