Abril 5, 2025 — Naantala ang proposed deal para i-spin off ang US assets ng TikTok matapos ipahayag ng China ang hindi pagsang-ayon, kasunod ng tariff announcement ni Pangulong Donald Trump nitong linggo, ayon sa mga source na pamilyar sa usapin.

Noong Biyernes, pinalawig ni Trump ng 75 araw ang deadline para sa ByteDance na ibenta ang US operations ng TikTok, na nagtakda ng bagong deadline sa mid-June. Ang extension ay kaugnay ng isang batas noong 2024 na nag-aatas sa ByteDance na i-divest ang US assets nito o harapin ang ban.

Ang deal, na sinasabing finalized noong Miyerkules, ay magre-resulta sa pag-spin off ng US operations ng TikTok sa isang bagong kumpanya na nakabase sa US, na majority-owned at operated ng US investors, habang ang ByteDance ay magtataglay ng mas mababa sa 20% ownership. Ang kasunduan ay naaprubahan ng mga existing at bagong investors, ByteDance, at ng US government, ayon sa mga source.

Gayunpaman, sinabi ng ByteDance noong Sabado na may malalaking pagkakaiba pa rin.

"(We are) still in talks with the US government, but no agreement has been reached, and the two sides still have differences on many key issues ((Kami ay) patuloy na nakikipag-usap sa US government, ngunit walang kasunduan ang naabot, at may pagkakaiba pa rin sa maraming mahahalagang isyu)," ayon sa ByteDance sa WeChat.

Binibigyang-diin ng kumpanya na ang anumang kasunduan ay dapat sumunod sa Chinese law at dumaan sa kaukulang review procedures.

Muling iginiit ng Chinese Embassy sa Washington ang kanilang posisyon, na binibigyang-diin ang respeto sa market principles at karapatan ng mga negosyo.

"China has always respected and protected the legitimate rights and interests of enterprises and opposed practices that violate the basic principles of the market economy (Ang China ay palaging nirerespeto at pinoprotektahan ang lehitimong karapatan at interes ng mga negosyo at tinututulan ang mga gawain na lumalabag sa mga pangunahing prinsipyo ng market economy)," ayon sa embahada.

Ang pagkaantala ay kasabay ng tumitinding tensyon sa tariffs. Inanunsyo ni Trump ang 34% na pagtaas sa tariffs sa Chinese goods, na nagdala sa kabuuan sa 54%, na nag-udyok sa retaliation ng China. Ipinahayag ni Trump ang kahandaang magbaba ng tariffs kung ma-finalize ang deal para sa US assets ng TikTok.

"We hope to continue working in good faith with China, who I understand is not very happy about our reciprocal tariffs (Umaasa kaming patuloy na makikipagtulungan nang may mabuting intensyon sa China, na naiintindihan kong hindi masaya sa aming reciprocal tariffs)," sabi ni Trump.

Ibinunyag ni Trump na ang kanyang administrasyon ay nakikipag-usap sa apat na grupo tungkol sa hinaharap ng TikTok ngunit hindi tinukoy ang kanilang pagkakakilanlan. Ang malaking balakid ay nananatiling pag-apruba ng gobyerno ng China, dahil hindi pa ito hayagang pumapayag sa pagbebenta.

Ang White House-led talks ay sinasabing nakatuon sa isang plano para sa non-Chinese investors sa ByteDance na palakihin ang kanilang stakes at bilhin ang US operations ng TikTok. Ang plano ay naglalayong bawasan ang Chinese ownership sa ibaba ng 20% threshold na kinakailangan ng US law, na posibleng makaiwas sa ban.

Ang Kongreso ay nagpasa ng batas noong nakaraang taon, na nilagdaan ni dating Pangulong Joe Biden, na binabanggit ang mga alalahanin sa posibleng paggamit ng TikTok para sa espionage at influence operations. Ang batas ay nag-aatas sa TikTok na itigil ang operasyon nito sa Enero 19, 2024, maliban kung makumpleto ng ByteDance ang divestiture.

Si Trump, na nagsimula ng kanyang ikalawang termino noong Enero 20, ay piniling huwag ipatupad ang batas. Ang Justice Department ay kalaunan pinayagan ang Apple at Google na ibalik ang TikTok para sa downloads.

Ang mga pangunahing investors, kabilang ang Jeff Yass' Susquehanna International Group at Bill Ford's General Atlantic, ay sinasabing nangunguna sa mga diskusyon sa White House. Samantala, itinanggi ng Walmart ang mga ulat ng kanilang pakikilahok sa deal.

Larawan: Tech Insider/Facebook