April 24, 2025 — Naglabas ng saloobin si actress Janine Gutierrez nitong Miyerkules tungkol sa bigat ng kanyang pinagdadaanan matapos mawalan ng dalawang lola — ang mga haligi ng showbiz na sina Nora Aunor at Pilita Corrales — nitong nakaraang Holy Week.

Sa kanyang broadcast channel sa Instagram, ikinuwento ni Janine kung gaano kabigat ang mga nakaraang araw para sa kanilang pamilya matapos ang sunod-sunod na burol. Pumanaw si Corrales, kilala bilang Asia’s Queen of Songs, noong April 12, habang sumunod si Aunor, na tinaguriang Superstar ng bansa, noong April 16.

“It’s the first time in 10 days that I’m not at a wake,” ani Janine. “This Holy Week, my siblings and I lost two lolas — Mama and Papa’s mothers. Kakauwi lang namin galing sa wake ni Mamita ng mga alas-kwatro ng hapon nung April 16, pagdating ng alas-diyes ng gabi, tumatawag na ulit ’yung kapatid ko sa chapel para kumuha ng kwarto, para naman kay Mama Guy.”

Si Janine ay anak nina Lotlot de Leon at Monching Gutierrez, at nagpasalamat siya sa lahat ng dumamay at nagpaabot ng suporta.

“It’s been difficult and even unbelievable, but all throughout, you have helped us so much with your support and love,” sabi niya. “Thank you so much for your thoughts and prayers, dropped by or had us and our lolas in your mind.”

Ibinahagi rin ni Janine na plano sana niyang magbakasyon nitong Holy Week, pero pinili niyang manatili sa bahay — desisyong hindi niya pinagsisihan.

“Mamita passed away on my first free day and we buried Mamay Guy on my last,” kwento niya. “Driving to my location today, I think of my two new angels and how they always powered through. It gives me comfort to know there are many of us who will always have them in our hearts.”

Balik-trabaho na ngayon si Janine, dala ang lakas at alaala ng kanyang dalawang lola — mga itinuturing na alamat sa kasaysayan ng Philippine entertainment.