TAYABAS, Quezon — Opisyal nang binuksan sa publiko ang Puerto Serene Resort and Event Place na matatagpuan sa Sitio Taaw, Barangay Ibabang Ilasan, na agad umagaw ng pansin dahil sa mala-Bali, Indonesia nitong disenyo at ambience na tila isang tropical paradise.

Tampok sa resort ang arkitekturang inspirado ng mga tanyag na resort sa Bali—may malalawak na swimming pool, mga eleganteng cabana, at mga Instagram-worthy na lugar na perpekto para sa pagpapahinga at photo opportunities. Dahil dito, mabilis itong naging usap-usapan sa social media at dinarayo ng mga turistang naghahanap ng bagong destinasyon na may kakaibang karanasan.

Hindi lamang ito nagsisilbing pasyalan. Bukas din ang resort para sa iba’t ibang uri ng okasyon tulad ng kasalan, family reunions, team buildings, debut, at iba pang espesyal na pagtitipon. Dahil sa lawak ng lugar at ganda ng kapaligiran, itinuturing ito ngayon bilang isa sa mga bagong top event venues sa Tayabas City. Malaki ang naitutulong ng pagbubukas ng Puerto Serene sa pagpapalakas ng lokal na turismo ng lungsod. Ayon sa mga lokal na opisyal, inaasahang mas dadami pa ang mga bibisita sa Tayabas habang patuloy na nakikilala ang resort online. Para sa mga naghahanap ng mala-Bali na bakasyunan nang hindi na lumalayo sa bansa, ang bagong resort na ito ay isa nang patok na destinasyon sa Quezon. (Larawan: Puerto Serene Resort and Event Place / Facebook)