Marso 28, 2025 — “Gigil” ay opisyal nang naidagdag sa Oxford English Dictionary ngayong Marso, kasama ang listahan ng mga kinikilalang Filipino words sa Philippine English category ng dictionary.

Ang salitang ito ay dinefine bilang noun at adjective, kung saan kinakatawan nito ang isang matinding emosyon na maaaring bunga ng galit, eagerness, o tuwa na nakikita sa cute o adorable na bagay. Ayon sa Oxford English Dictionary, ito ay madalas na ipinapakita sa pisikal na reaksyon tulad ng pagkuyom ng kamao, paggiling ng ngipin, panginginig ng katawan, o pagpisil sa bagay o tao na nagpaparamdam ng ganitong emosyon.

Ang adjective naman ay ginagamit para ilarawan ang isang tao na nilalamon ng matinding emosyon, tulad ng galit, eagerness, o paghanga sa cute na bagay o tao.

Nagbigay din ang Oxford ng mga halimbawa ng paggamit ng term mula 1990 hanggang 2024, na nagpapakita ng patuloy nitong pag-evolve sa language.

Ang “Gigil” ay kasama na ng ibang Filipino words sa Oxford English Dictionary tulad ng Pinoy, bongga, CR, lumpia, toyo, trapo, kilig, barkada, bakya, at marami pang iba, na nagha-highlight sa dynamic na impluwensiya ng Philippine English sa global linguistics.

Larawan: Mangostar Studio/Canva