MANILA — Agaw-pansin ngayon sa social media ang malaking pagbabago sa hitsura ni Department of Public Works and Highways (DPWH) Secretary Vince Dizon, bagay na hindi nakaligtas sa mapanuring mata ng mga netizens.

Ayon sa mga obserbasyon, kapansin-pansin ang tila mabilis na pagtanda at pamumutla ng kalihim na iniuugnay umano ng publiko sa matinding stress at pressure na kanyang dinaranas. Marami ang nagsasabing bunga ito ng mga kontrobersiyang kinahaharap ng pamahalaan, lalo na ang mga isyu ng korapsyon at diumano’y harap-harapang pagnanakaw ng kaban ng bayan.

Maraming netizens ang nagpahayag ng simpatya kay Secretary Dizon, na ayon sa kanila ay malinaw na naaapektuhan ng bigat ng responsibilidad at ng kaliwa’t kanang alegasyon laban sa iba’t ibang ahensya ng gobyerno. Komento pa ng ilan, ang kanyang kondisyon ay sumasalamin sa kabigatan ng sitwasyong kinahaharap ng bansa, kung saan ang burden ng paglilinis at pagpapatupad ng reporma ay madalas na bumabagsak sa mga opisyal na nasa frontline ng serbisyo publiko.

Gayunpaman, umaasa ang taumbayan na sa kabila ng mga hamon, mananatiling matatag si Secretary Dizon sa pagtupad ng kanyang tungkulin at sa pagpapatuloy ng laban kontra korapsyon. Para sa marami, ang kanyang itsura ay hindi lamang tanda ng stress kundi simbolo ng sakripisyo at bigat ng responsibilidad sa paglilingkod sa bayan. (Larawan: Facebook)