October 29, 2025 - Mariing sinagot ni Commodore Jay Tarriela, tagapagsalita ng Philippine Coast Guard (PCG) para sa West Philippine Sea, si Cavite Rep. Elpidio “Kiko” Barzaga Jr. matapos nitong igiit na buwagin ang PCG.

Sa matapang na pahayag, sinabi ni Tarriela, “I urge Rep. Barzaga to seek professional help if he truly believes the Coast Guard is escalating tensions that could lead to World War III.”

Sa isang video na inilathala ni Barzaga sa social media, tinawag niyang “waste of government funds” ang PCG at iginiit na ang mga operasyon nito sa West Philippine Sea ay maaaring magdulot ng “World War III.” Inakusahan din niya ang ahensya ng korapsyon at umano’y pagbibigay ng mataas na posisyon sa mga hindi karapat-dapat na opisyal.

Tinawag ni Tarriela ang mga pahayag ni Barzaga bilang “alarmist, inaccurate, and deeply irresponsible,” kasunod ng video ng kongresista kung saan tinawag niyang “waste of government funds” ang PCG at inakusahan ito ng korapsyon at pagbibigay ng mataas na posisyon sa mga hindi umano kwalipikadong opisyal.

Dagdag pa ni Tarriela, “To call for the abolition of the PCG is both reckless and deeply insulting to the 36,000-strong PCG who serve this nation with honor and courage. Many have sacrificed their lives in the line of duty.”

Naglabas din ng pahayag ang PCG sa pamamagitan ni Captain Noemie Cayabyab, na nagsabing ang mga akusasyon ni Barzaga ay “grossly misrepresent” sa mandato ng ahensya. Iginiit ng Coast Guard na bukas sila sa dayalogo ngunit hindi nila palalampasin ang mga maling akusasyon.

Sa kabila ng kontrobersya, nanindigan ang PCG sa kanilang tungkulin na protektahan ang soberanya ng bansa, lalo na sa West Philippine Sea.

“We remain committed to our duty and will not be deterred by baseless attacks,” pagtatapos ni Tarriela.

Larawan mula kay Kiko Barzaga