Nobyembre 20, 2025 — Ang makasaysayang San Juan Nepomuceno Parish Church sa San Remigio, Northern Cebu ay tuluyan nang itatakwil matapos ideklarang “unrepairable” ng mga eksperto kasunod ng matinding pinsala mula sa magnitude 6.9 na lindol noong Setyembre 30, 2025.

Ayon sa ulat, natuklasan ng mga engineer na hindi na ligtas gamitin ang simbahan na itinayo noong 1864. Sa opisyal na pahayag ng parokya, sinabi nilang, “This decision was not made lightly. We understand the deep emotional bond our community shares with this sacred edifice.” 

Dagdag pa nila, “Every stone, every pew, every echo of prayer within its walls carries the stories and sacrifices of the San Remigiohanon faithful.”

Kinumpirma ng Archdiocese of Cebu na isinailalim sa masusing pagsusuri ang estruktura ng simbahan. Iniimbestigahan pa rin ng simbahan at ng arkidiyosesis ang kalagayan ng gusali upang matukoy ang tamang hakbang. Gayunpaman, sa kabila ng mga pag-aaral, lumalabas na hindi na ito maaaring kumpunihin dahil sa lawak ng pinsala.

Inalis ng parokya ang naunang Facebook post na nagsasabing tuluyan nang isasara ang simbahan, bilang pagsunod sa “proper ecclesiastical process.” Nilinaw ng parokya na ang desisyon ay isinagawa sa gabay ng kanilang Parish Priest at Parochial Vicar.

Ang simbahan ay bahagi ng kasaysayan ng San Remigio at kilala bilang isa sa pinakamatandang gusali sa rehiyon. Maraming deboto ang nalungkot sa balita, lalo na’t naging sentro ito ng pananampalataya sa loob ng mahigit isang siglo.

Sa kabila ng desisyong itigil ang paggamit ng simbahan, nananatili ang panawagan ng parokya sa publiko na alalahanin ang kahalagahan ng gusali sa kasaysayan ng komunidad. “We urge everyone to keep in mind the building’s past and memories,” ayon sa pahayag ng parokya.

Patuloy ang pakikipag-ugnayan ng simbahan sa Archdiocese para sa posibleng pagtatayo ng bagong lugar sambahan. Hanggang sa Nobyembre 17, itinigil na ang lahat ng misa at aktibidad sa loob ng lumang simbahan bilang pag-iingat.

Larawan mula San Juan Nepumuceno Parish/Facebook