BATANGAS — Opisyal nang binuksan ng SM Center Lemery ang panahon ng Kapaskuhan sa pamamagitan ng pag-iilaw ng kanilang Christmas centerpiece na may temang “Sleighin’ with my Gnomies,” na nagbigay ng masayang kulay at diwa ng Pasko sa buong mall.

Dumalo sa naturang kaganapan ang mga opisyal ng lokal na pamahalaan ng Lemery, sa pangunguna ni Vice Mayor Hannah Cabral, kinatawan ng alkalde na si Atty. Kristel Maranan, at mga konsehal na sina Ivana Pauline Malabanan, Benedict Miranda, at Jackris Bello. Nang umilaw ang malaking Christmas centerpiece, sinabayan ito ng mga kamangha-manghang live performances at isang espesyal na pagbisita mula kay Santa Claus.

Sa kanyang mensahe, binigyang-diin ni Mall Manager Rosalinda Gabriel ang kahalagahan ng pagkakaisa ng pamilya at ang kagalakan sa simpleng pagbibigay na nagdudulot ng kabaitan at malasakit sa kapwa.

Ang paglulunsad ng Christmas centerpiece ay hudyat din ng simula ng mga aktibidad ng SM Center Lemery ngayong holiday season, kabilang ang Grand Magical Christmas Parade, World Chorale Day, at Happiest Holiday Weekend performances. Inaanyayahan ang lahat na bisitahin ang “Sleighin’ with my Gnomies” Christmas centerpiece at maranasan ang isang masayang pagdiriwang ng Pasko na tunay na puno ng liwanag at kagalakan. (Larawan: Go Batangas / Facebook)