Naglabas ng opisyal na pahayag si Pangulong Ferdinand "Bongbong" Marcos Jr. hinggil sa nagpapatuloy na tensyon sa pagitan ng Thailand at Cambodia, na kasalukuyang sinusubaybayan ng mga bansa sa rehiyon.

Sa kanyang mensahe na inilathala sa kanyang opisyal na Facebook page, nanawagan si Pangulong Marcos ng mapayapang resolusyon at dayalogo sa pagitan ng dalawang bansa. Binigyang-diin niya ang kahalagahan ng diplomasya, pagkakaisa, at paggalang sa kapwa-nasyon sa harap ng anumang sigalot.

“Nananawagan tayo ng mahinahon at mapayapang pag-uusap sa pagitan ng Thailand at Cambodia. Nawa’y manaig ang pagkakaibigan at pag-unawa sa rehiyon,” ani Marcos.

Bagamat hindi pa nagbibigay ng detalyadong tugon ang pamahalaan ng Pilipinas ukol sa posibleng diplomatic steps, tiniyak ng Pangulo na nananatiling handa ang bansa na tumulong sa anumang inisyatiba patungo sa kapayapaan sa rehiyon ng Southeast Asia.

Ang tensyon sa pagitan ng Thailand at Cambodia ay patuloy na binabantayan ng Association of Southeast Asian Nations (ASEAN), kung saan aktibong miyembro ang Pilipinas.

Larawan mula Bongbong Marcos / Facebook